5.04.2012 г.     ДАТА ПАВЫШЭННЯ КОШТУ ПРАЕЗДУ Ў ГРАМАДСКІМ ТРАНСПАРЦЕ ВЯДОМАЯ

Кошт праезду ў гарадскім грамадскім транспарце Баранавічаў, а таксама ў прыгарадным транспарце вырасце з 6 красавіка. Пра гэта IP паведаміў загадчык аддзела пасажырскіх перавозак ААТ «АП г. Баранавічы» Руслан Лешык.

Гэта будзе першае павышэнне кошту праезду з пачатку года. Як распавеў Руслан Лешык, кошт праезду вырасце на 17% у гарадскім грамадскім транспарце, на 20% — у прыгарадным транспарце. Пасля падаражэння талончык будзе каштаваць 1300 рублеў і 1400 рублеў пры куплі талончыка ў кіроўцы. Праязны на месяц будзе каштаваць зараз 50 800 рублеў (раней — 41 250 рублеў).

За мінулы 2011 год кошт праезду ў гарадскім грамадскім транспарце павышаўся 4 разы. Як заўважыў загадчык службы пасажырскіх перавозак Руслан Лешык, кошт праезду на працягу 2011 вырас на 83% — у 2010 мы куплялі талончык за 600 рублеў.

31.03.2012 г.     У БАРАНАВІЧАХ ПАВЫСІЦЦА КОШТ ПРАЕЗДУ

Кошт праезду ў гарадскім грамадскім транспарце Баранавічаў, а таксама ў прыгарадным транспарце плануецца павысіць ужо на пачатку красавіка. Пра гэта IP паведаміў загадчык аддзела пасажырскіх перавозак ААТ «АП г. Баранавічы» Руслан Лешык.

Гэта будзе першае павышэнне кошту праезду з пачатку года. Мяркуецца, што кошт праезду ў прыгарадным транспарце павялічыцца на 20%. А талончык для праезду ў гарадскім транспарце падаражэе на 200 рублеў — з 1100 да 1300. Адпаведна, талончык у кіроўцы будзе каштаваць паўтары тысячы.

«Сабекошт талончыка 2200 рублеў, а пасажыры аплачваюць 60% паездкі», — заўважыў начальнік службы перавозак аўтапарка.

За мінулы 2011 кошт праезду ў гарадскім грамадскім транспарце павышаўся 4 разы. Як заўважыў загадчык службы пасажырскіх перавозак Руслан Лешык, кошт праезду на працягу 2011 вырасла на 83% — у 2010 мы куплялі талончык за 600 рублеў.

Дарэчы, з павелічэннем базавай велічыні з 1 красавіка адпаведна вырастуць штрафы за праезд у грамадскім і прыгарадным транспарце. Зараз штраф за безбілетны праезд у гарадскім і прыгарадным транспарце складае 0,2 базавай велічыні, або 7000 рублеў, а таксама 0,5 базавай велічыні на міжгародніх маршрутах, або 17 500 рублеў. З 1 красавіка штраф за безбілетны праезд у прыгарадных і ў гарадскіх аўтобусах складзе 20 000 рублеў, а на міжгародніх рэйсах — 50 000 рублеў.