Вынікі 2007 года.

   «Новы стары» маршрут.

   Як «двадцатка» ў 2006 годзе, на самым пачатку 2007 г., у студзені, на гарадскіх вуліцах з’явіўся «новы стары» маршрут, тым разам «дзевятка». Але зусім непадобна да маршруту № 20, які толькі трохі змяніў вуліцы, па якіх курсіраваў да свайго першага знікнення, маршрут № 9 (адсутнічаў 13 гадоў!) прайшоў зусім па другіх вуліцах і нідзе не перасякае ніводнай вуліцы з тых, па якіх хадзіў раней. Цяпер ен не праходзіць праз увесь горад з поўдзеня на поўнач, а звязвае суседнія раены на ўскраіне горада. Курсіруе гэты маршрут пакуль што толькі па выхадных, бо па працоўных днях Тэкстыльны і Усходні мікрараены худа-бедна звязваюць маршруты №№ 11 і 22. Падобна на тое, што дадзеная практыка аднаўлення старых і стварэння новых маршрутаў прынаймней па адным у год стане добрай традыцыяй для баранавіцкага аўтобуснага парку. Дарэчы, вядома аб планах увядзення яшчэ аднаго «новага старога» маршрута, тым разам гэта можа быць «двойка».

   Абнаўленне рухомага складу: год бэзавых МАЗаў і першых Неманаў.

   У параўнанні з мінулым годам, пастаўкі гарадскіх аўтобусаў у 2007 г. выглядалі зусім кепска. Да сярэдзіны снежня 2007 г. Баранавічы атрымалі ўвогуле каля дзесяці аўтобусаў (прыгарадных і гарадскіх), альбо 5 % абнаўлення рухомага складу. Прычынай такога становішча здаецца святкаванне 940-годдзя Мінска на пачатку верасня, і да гэтага часу з Мінскіх вуліц мелі знікнуць Ікарусы і ЛАЗы. І яны фактычна зніклі. На іх месца прыйшлі Неманы і МАЗы. У падтрымку гэтай версіі сведчыць той факт, што да святкавання свята горада ў Мінску Баранавічы атрымалі толькі 2 прыгарадныя аўтобусы, а пасля — «ажно» 6 прыгарадных «Аўрор», 1 МАЗ-256, 4 гарадскія МАЗы (2 МАЗ-105 і 2 МАЗ-107) і два Неман-5201. Гарадскія аўтобусы пачалі паступаць толькі ў снежні і на момант размяшчэння гэтага артыкула было вядома аб двух сучлененых МАЗ-105, двух трохвосевых адзіночных МАЗ-107, а таксама двух Неман-5201. Ітак, нумары гарадскіх МАЗаў і Неманаў:
МАЗ-105: АА 7955-1 (гаражны 01120)
МАЗ-105: АА 7956-1 (гаражны 01119)
МАЗ-107: АА 7993-1 (гаражны 0)
МАЗ-107: АА 7994-1 (гаражны 01122)
Неман-5201: АА 9322-1 (гаражны 01127)
Неман-5201: АА -1 (гаражны 0)
   Абодва сучлененыя МАЗы, якія, дарэчы, пафарбаваны ў бэзавы колер, пачалі працу на пачатку снежня. МАЗ-107, якія прыйшлі ў палове снежня і таксама ў бэзавым колеры. Нажаль, электроннымі табло ніводны новы МАЗ не аснашчаны. У канцы снежня з'явіліся два Неманы-5201, якіх у Баранавічах дагэтуль увогуле не было. Хочацца спадзявацца, што справа на шасці гарадскіх аўтобусах не скончыцца, і яшчэ абяцаныя чатыры Баранавічы абавязкова атрымаюць, няхай і на пачатку 2008 г. Між тым, па непадцверджаных звестках, у канцы 2007 г. Брэст атрымаў 3 аўтобусы другога пакалення — МАЗ-206. Калі браць пад увагу звесткі аб намерах Брэсцкай вобласці набыць 10 падобных аўтобусаў да канца года, можна чакаць іх з'яўлення і ў Баранавічах.

   Рост колькасці безбілетнікаў.

   Практычна на працягу ўсяго года перманентна ўзрастала колькасць безбілетных пасажыраў у гарадскіх аўтобусах. Спачатку штуршок гэтаму дало абніжэнне штрафу з 0,5 базавай велічыні да 0,2 «базы» на пачатку вясны. Ад гэтага моманту колькасць «зайцоў» няўхільна паўзла ўверх, а чарговая хваля чакалася пасля набыцця моцы законам аб ільготах, згодна з якім шмат катэгорый грамадзян мела страціць свае датыхчасовыя льготы. З іншага боку, для барацьбы з неахвотай аплочваць праезд Аўтобусны Парк № 2 пастаянна павялічваў колькасць кантралераў, а ў канцы года пачаў заахвочваць да працы студэнтаў мясцовых навучальных устаноў.

   ДТЗ.

   На шчасце, 2007 г. абышоўся без цяжкіх ДТЗ з чалавечымі ахвярамі. Самым сур'езным выпадкам у гэтым годзе стала падзенне падпілаванага дрэва на аўтобус, які праязжаў побач. Адзін з пасажыраў атрымаў легкія калечанні цела.

   Пазітыўныя змены.

   Пацешыла ў 2007 г. тое, што аўтаматычныя моўныя інфарматары ў гарадскіх аўтобусах пачалі «размаўляць» па-беларуску. Акрамя таго, на вуліцах горада працягваюць з'яўляцца новыя прыпынкі.

   Увогуле, 2007 г. не быў значна лепшы за мінулы 2006. Ніякіх кардынальных зменаў не адбылося, вядзецца паступовая праца па паляпшэнні транспартнага абслугоўвання насельніцтва Баранавічаў.

   У Баранавічах з'явіліся два гарадскія аўтобусы вытворчасці лідскага вопытна-эксперыментальнага заводу «Неман». Два новых бэжавых «Неман-5201», якія з'яўляюцца нашчадкамі ЛіАЗ-5256, выйдуць на маршруты ўжо ў бліжэйшыя некалькі дзен.

   Гарадскімі ўладамі, мажліва, будзе прынятае рашэнне аб продажы падэкадных праяздных білетаў на праезд у гарадскіх аўтобусах са студзеня 2008 года. Такі крок, па думцы ўраднікаў, дапаможа змягчыць фінансавую нагрузку, звязаную з адменай ільготаў для некаторых катэгорый пасажыраў. Аб канчатковым прыняцці гэтага рашэння будзе паведамлена ў гарадскіх СМІ.

па інфармацыі афіцыяльнага парталу горада Баранавічы

   Баранавіцкі аўтобусны парк стаў адным з першых прадпрыемстваў у горадзе, хто набыў 4 тоны біапаліва (паліва будучыні, як яго называюць на Захадзе за экалагічныя перавагі) з першых 241 тонаў, якія паступілі ў Баранавіцкі філіял РУП «БеларуснафтаБрэстоблнафтапрадукт».

па інфармацыі афіцыяльнага парталу горада Баранавічы

   Сення набывае моц новы закон аб ільготах, у адпаведнасці з якім ніжэй прыведзеныя катэгорыі грамадзян страчваюць права на льготы пры праездзе ў пасажырскім транспарце агульнага карыстання:

1. Інваліды таварыства сляпых і суправаджаючы інваліда таварыства сляпых. Да 17 снежня 2007 г.: горад, прыгарад — бясплатна.

2. Інваліды I і II групаў, дзеці-інваліды, інваліды таварыства сляпых, суправадждаючы інваліда I групы, інваліда таварыства сляпых, дзіця-інваліда. Да 17 снежня 2007 г.: міжгорад — бясплатна для пражываючых у сельскай мясцовасці і 50 % зніжка.

3. Былые вязні канцлагераў, гетта. Да 17 снежня 2007 г.: горад, прыгарад, міжгорад — бясплатна для пражываючых у сельскай мясцовасці.

4. Ваеннаслужачыя, рабочыя і служачыя, праходзіўшыя службу ў Афганістане ці ў іншых краінах, дзе вяліся баявыя дзеянні. Да 17 снежня 2007 г.: горад, прыгарад, міжгорад — бясплатна для пражываючых у сельскай мясцовасці. Права на бясплатны праезд захаваецца за грамадзянамі, маючымі раненне, кантузію ці калецтва, атрыманыя ў перыяд баявых дзеянняў.

5. Ветэраны і пенсіянеры па веку. Да 17 снежня 2007 г.: горад, прыгарад, міжгорад — 50 % зніжка.

6. Асобы, пражываючыя ў дамах-інтэрнатах для састарэлых і інвалідаў, якія знаходзяцца на поўным дзяржзабеспячэнні. Да 17 снежня 2007 г.: міжгорад — 50 % зніжка.

7. Дзеці старэйшыя за сем гадоў. Да 17 снежня 2007 г.: горад, прыгарад — 50 % зніжка.

8. Школьніки старэйшыя за дзесяць гадоў. Да 17 снежня 2007 г.: міжгорад — 50 % зніжка на перыяд зімовых канікулаў.

9. Навучэнцы агульнаадукацыйных школаў, пражываючыя ў сельскай мясцовасці. Да 17 снежня 2007 г.: прыгарад — бясплатна да месца вучобы і назад.

10. Студэнты вышэйшых і сярэдніх вучэбных устаноў, ПТВ. Да 17 снежня 2007 г.: горад, прыгарад — 50 % зніжка, міжгорад — 50 % зніжка з 1 кастрычніка па 30 чэрвеня па выхадных і святочных днях.

11. Курсанты ваенных вучэбных устаноў і вучэбных устаноў МУС. До 17 снежня 2007 г.: горад, прыгарад, міжгорад — бясплатна для пражываючых у сельскай мясцовасці.

12. Супрацоўнікі службы судзебных выканаўцаў гаспадарчых судоў. До 17 снежня 2007 г.: горад, прыгарад, міжгорад — бясплатна ў межах обслугоўваемых терыторый.

13. Супрацоўнікі Ворганаў Камітэта Дзяржкантролю. Да 17 снежня 2007 г.: горад, прыгарад — бясплатна. Дадзеная катэгорыя захоўвае права на льготы (горад, прыгарад — бясплатна, міжгорад — 50 % зніжка) у тым выпадку, калі пасажыр беспрацоўны і адначасова з'яўляецца інвалідам з прычыны ранення, кантузіі, калецтва ці хваробы, атрыманых пры выкананні абавязкаў ваеннай службы альбо службовых абавязкаў.

14. Працаўнікі МУС унутраных войскаў. Да 17 снежня 2007 г.: горад, прыгарад — бясплатна. Дадзеная катэгорыя захоўвае права на льготы (горад, прыгарад — бясплатна, міжгорад — 50 % зніжка) у тым выпадку, калі пасажыр беспрацоўны і адначасова з'яўляецца інвалідам з прычыны ранення, кантузіі, калецтва ці хваробы, атрыманых пры выкананні абавязкаў ваеннай службы альбо службовых абавязкаў.

15. Супрацоўнікі КДБ, службы бяспекі Прэзідэнта РБ, ваеннаслужачыя пагранвойскаў, працаўнікі МНС, пракурорскія працаўнікі і працаўнікі Галоўнага ўпраўлення дзяржаховы пры Прэзідэнце РБ. Да 17 снежня 2007 г.: горад, прыгарад — бясплатна.

16. Супрацоўнікі ворганаў фінансавых расследванняў. Да 17 снежня 2007 г.: горад, прыгарад, міжгорад — бясплатна. Дадзеная катэгорыя захоўвае права на льготы (горад, прыгарад — бясплатна, міжгорад — 50 % зніжка) у тым выпадку, калі пасажыр беспрацоўны і адначасова з'яўляецца інвалідам з прычыны ранення, кантузіі, калецтва ці хваробы, атрыманых пры выкананні абавязкаў ваеннай службы альбо службовых абавязкаў.

17. Вадзіцелі і кандуктары аўтобусаў прадпрыемстваў аўтатранспарту агульнага Карыстання. Да 17 снежня 2007 г.: горад, прыгарад — бясплатна.

18. Працаўнікі кантрольна-рэвізорскай службы. Да 17 снежня 2007 г.: горад, прыгарад, міжгорад — бясплатна ў межах вызначанай у пасведчанні тэрыторыі.

   Некалькі дзен таму ў горадзе з’явіліся чарговыя два аўтобусы з паставак гэтага года. Тым разам гэта два адзіночныя трохвосевыя МАЗ-107, зноў-такі бэзавага колеру. Аўтобусы ўжо выйшлі на маршруты. Такім чынам, новых гарадскіх аўтобусаў на дадзены момант ужо чатыры з запланаванага ў 2007 годзе дзесятка.

   УВАГА! У сувязі з набыццем моцы новым законам аб ільготах з 17 снежня гараджан чакае некаторая часовая змена сістэмы аплаты праезду. З 20 лістапада па 6 снежня аўтобусным паркам уводзяцца ў абарот ільготныя праязныя білеты шматразовага карыстання з перыядам дзеяння з 1 па 10 снежня коштам 3290 рублеў. Пасля 6 снежня рэалізацыя дадзеных ільготных білетаў будзе спынена. З 10 па 16 снежня гараджане і госці горада змогуць карыстацца толькі льготнымі талонамі. З 17 снежня, у сувязі з адменай ільготаў, пачнуць дзейнічаць новыя правілы поўнай аплаты праезду.

   На тэрыторыі аўтобуснага парку з’явілася некалькі (не менш за два) сучлененых аўтобусаў МАЗ-105 бэзавага колеру. Аб камплектацыі аўтобусаў можна будзе даведацца толькі пасля таго, як яны пройдуць працэдуру рэгістрацыі і з’явяцца на гарадскіх маршрутах.

   У Баранавічах транспартнікі прагназуюць рэзкае павелічэнне колькасці «зайцаў» у грамадскім транспарце пасля 17 снежня, калі будуць адмененыя льготы на праезд для пенсіянераў, студэнтаў і школьнікаў.
   У сувязі з гэтым адбываецца набор у кантралеры-пазаштатнікі. Пра гэта Еўрарадые паведаміў інжынер аўтапарку Аляксандр Новікаў.
   Па дамове з аўтапаркам у Баранавічах пачалі працаваць кантралерамі студэнты мясцовага універсітэта, а таксама навучэнцы тэхналагічнага каледжа і каледжа легкай прамысловасці. За адзін месяц навабранцы злавілі 220 безбілетнікаў.
   Увогуле, за кастрычнік у горадзе аштрафаваныя больш за 900 чалавек. Студэнтам паабяцалі, што пры добрай працы іх возьмуць у штат.

Еўрарадые

   З 6 лістапада гарадскія аўтобусы маршрута № 6 курсіруюць да к/п «Сквер Героя Карвата» замест «вул. 50 год УЛКСМ». Аўтобусаў на дадзеным маршруце стала на 1 больш, у сувязі з чым інтэрвал руху не павялічыўся.

Яўгеній Дубровін

   Па інфармацыі БЕЛТА, у Беларусі забяспечваецца 10-працэнтавы ўзровень абнаўлення рухомага складу, занятага на гарадскіх, прыгарадных і міжгародніх перавозках. Аб гэтым на прэс-канферэнцыі ў Мінску паведаміў першы намеснік міністра транспарту і камунікацый Беларусі Мікалай Верхавец. Асноўнай крыніцай фінансавання з'яўляюцца сродкі, атрыманыя ад транспартнага збору, а таксама ўласныя сродкі прадпрыемстваў і арганізацый. Так, аўтатранспартныя арганізацыі Мінтранса ў студзені-верасні бягучага года набылі сярод іншага 737 аўтобусаў (пры заданні 671).
   Па ўсім відаць, што пра баранавіцкі Аўтобусны Парк № 2 проста забыліся, і таму ен атрымаў толькі два прыгарадныя Неманы замест прыкладна 20 аўтобусаў на гарадскія і прыгарадныя маршруты. Менавіта гэтая лічба раўняецца прыкладна 10 працэнтам наяўнага рухомага складу.

Яўгеній Дубровін

   Як паведамляе афіцыйны партал горада Баранавічы, у выніку нядаўняй маштабнай кантролі білетаў у гарадскім грамадскім транспарце толькі за чатыры гадзіны было выяўлена і прыцягнута да адміністрацыйнай адказнасці 40 безбілетных пасажыраў. За трэці квартал бягучага года лічба безбілетнікаў склала 3169 чалавек (за аналагічныя перыяды ў 2005-2006 гг. 1796 і 2746 адпаведна).

Яўгеній Дубровін

   У апошнім нумары гарадской газеты «ШАГ» было асветлена некалькі найбольш вострых пытанняў, што датычацца функцыянавання гарадскога пасажырскага транспарту. Так, па словах начальніка службы перавозак РУП «Аўтобусны Парк № 2 г. Баранавічы» Віталія Курэцкага, у гэтым годзе за ўласны кошт, у крэдыт і на сродкі ад дарожнага збору планіравалася (і плануецца!) набыць агульным лікам 22 аўтобусы. Праўда, дагэтуль незразумела, якім чынам здолеецца набыць за тры застаўшыхся месяцы 20 аўтобусаў, калі за дзевяць месяцаў гэтага года было набыта ўсяго толькі два аўтобусы.
У бліжэйшы час гарадскія аўтобусы не ўбачаць у сябе жыхары вуліц Фестывальнай, Кабушкіна, Доўгай і Рэпіна. Гэтаму, па словах Віталія Курэцкага, перашкаджае адсутнасць рашэння пытання па добраўладкаванню дадзеных вуліц, у прыватнасці адсутнасць належнага асвятлення, тратуараў і прыпынкаў.
У чарговы раз у размове з прадстаўніком аўтобуснага парку было закранута пытанне арганізацыі руху ў часткова ўзведзеным мікрараене Паўдневы Захад. Маршруты №№ 4, 18 не задавальняюць патрэбаў гараджан па большай частцы з-за вялікіх інтэрвалаў руху. Цяперашнім жа часам гарвыканкамам разглядаецца прапанова адміністрацыі РУП «Аўтобусны Парк № 2 г. Баранавічы» аб увядзенні маршрута № 2, «шлях якога ў бок мікрараена будзе паўтараць маршрут «чацверкі» у бок горада». Графік руху ўжо распрацаваны і есць падставы меркаваць, што пытанне будзе вырашана яшчэ да канца бягучага года, пры ўмове выканання рамонту прыпынкаў на вуліцах Загараднай і Вільямса.
Скаргі гараджан на павелічэнне інтэрвала руху аўтобусаў маршрута № 5 начальнік службы перавозак пракаменціраваў прадленнем маршрута да авіязавода. Акрамя таго, у бліжэйшай будучыні варта чакаць павелічэння інтэрвала руху і аўтобусаў шостага маршрута з прычыны таго, што ен будзе працягнуты да канцавога прыпынку «Сквер героя Карвата».
Магчыма, у будучым аўтобуснае злучэнне паміж мікрараенам «Паўночны» і раенам базы АСС будзе дапоўнена новым маршрутам. Мяркуецца, што ен будзе курсіраваць па вул. Вільчкоўскага праз Цэнтральны вакзал і чыгуначную бальніцу. Але, нажаль, з-за пастаяннай нястачы сродкаў, пакуль аб гэтым гаварыць заўчасна.

Яўгеній Дубровін

   Несуцяшальная тэндэнцыя назіраецца з колькасцю безбілетнікаў у Баранавічах. Як паведамляе газета «ШАГ», пачынаючы з сакавіка 2007 г. у сувязі з абніжэннем сумы штрафу за безбілетны праезд, колькасць аштрафаваных пасажыраў узрастае ў сярэднім на 200 чалавек у месяц. Так, калі за чэрвень кантрольна-рэвізіенная служба РУП «Аўтобусны Парк № 2 г. Баранавічы» прыцягнула да адміністрацыйнай адказнасці больш за 800 чалавек, то ўжо ў ліпені лічба аштрафаваных «зайцоў» перавысіла тысячу.

Яўгеній Дубровін

   Абнаўленне рухомага складу — ці паспеецца?

   Апошнім часам усе больш і больш сумненняў узнікае на тэму таго, ці паспее РУП «Аўтобусны Парк № 2» абнавіць плануемыя 10 % аўтобусаў, як таго патрабуе міністэрства транспарту і камунікацый РБ. Да канца года засталося толькі чатыры месяцы, а ў горадзе дагэтуль не з’явілася ніводнага новага гарадского аўтобуса (10 % гарадскіх аўтобусаў складае прыкладна 10-12 штук). Тым часам з вуліц сталіцы ў бліжэйшыя дні знікне апошні аўтобус Ікарус 200-га сямейства, якое ў Баранавічах па сенняшні дзень складае пераважную большасць з усіх гарадскіх аўтобусаў.
   Застаецца толькі спадзявацца, што Баранавічы не стануць своеасаблівым горадам-музеем, які жыхары больш буйных гарадоў будуць наведваць, каб сваімі вачыма ўбачыць транспартныя сродкі, якімі яны ездзілі ў мінулым.

Яўгеній Дубровін

   Як паведамляе гарадская газета «Наш край», кантрольна-рэвізійнай службай гарадскога аўтобуснага парку ў адзін з ліпеньскіх вечароў была праведзена маштабная праверка аплаты праезду ў 97 аўтобусах гарадскіх маршрутаў, у выніку якой было аштрафавана 42 чалавекі і яшчэ на 13 былі складзены пратаколы-пастанаўленні. Больш падрабязна можна прачытаць на афіцыйным партале горада Баранавічы.

   Нягледзячы на тое, што Баранавічы прадстаўлены ў Інтэрнэт-прасторы не так шырока, як больш вялікія гарады, у сусветнай павуціне ёсць сайты на гарадскую тэматыку, якія можна аднесці да унікальных.

   Як правіла, дзецішчы ўсяго аднаго чалавека, яны напоўнены эксклюзіўнай інфармацыяй, якую можна было б выдаваць асобнымі кнігамі. Наш сённяшні аповед менавіта аб такіх сайтах.

   Напэўна, самым незвычайным сайтам, прысвечаным нашаму гораду, з’яўляецца bartrans.by.ru – «Грамадскі транспарт у горадзе Баранавічы», які быў створаны паўтара года таму выхадцам з нашага горада, студэнтам Кракаўскага эканамічнага універсітэта Яўгенам Дубровіным. Стварэнне сайта стала працягам яго незвычайнага захаплення гарадскім транспартам, якое пачалося ў дзяцінстве з невялікага здарэння. У аўтобусе заклініла дзверы, і па просьбе вадзіцеля Яўген палез у транспартны сродак праз фортачку, каб адчыніць іх знутры. «Ствараючы сайт, я меў перад сабою толькі адну мэту – глыбей пазнаёміць зацікаўленых людзей з тым, без чаго немагчыма нармальнае жыццё буйнога горада, з тым, з чым кожны з нас сутыкаецца амаль штодня», – кажа Яўген.

   Калі сайт пачаў сваю працу, аказалася, што ў Баранавічах ёсць яшчэ некалькі чалавек, якія ўсур’ёз цікавяцца тэмай гарадскога транспарту. Прамы ўдзел у працы над сайтам і насычэнні яго інфармацыяй прыняло сем чалавек, якія шукалі гістарычныя факты, пісалі, фатаграфавалі, малявалі карты і г.д. Яшчэ больш за дзесятак дазволілі выкарыстоўваць свае матэрыялы і фатаграфіі (іх на сайце каля 1 000). У выніку паўстаў сапраўдны летапіс грамадскага транспарту ў Баранавічах, які ўтрымлівае шмат цікавых фактаў. Акрамя таго, на сайце выкладзены расклад руху аўтобусаў, маршруты, інфармацыя аб гарадскіх аўтобусах і інш.

   Як кажа Яўген, інфармацыю аб грамадскім транспарце яны з аднадумцамі збіралі, што называецца, па дробязях: з успамінаў, па газетных падшыўках, у Аўтобусным парку № 2. «Я звярнуўся да начальніка службы перавозак Віталія Курэцкага. Спачатку было шмат пытанняў, давялося нават пагаварыць з намеснікам дырэктара па ідэалагічнай працы: яны доўга не маглі зразумець, для чаго мне патрэбна інфармацыя аб грамадскім транспарце, ці прыносіць гэта грошы, колькі я атрымліваю за свой сайт. Я ім не казаў, што ў Польшчы вучуся – гэта магло іх яшчэ больш насцярожыць. Але пасля ў аўтапарку мне дапамаглі чым змаглі», – узгадвае Яўген. Цікава, што сайт (рэдкі для Беларусі выпадак) існуе адразу на чатырох мовах: беларускай, рускай, англійскай і польскай – Яўген асабіста па меры магчымасці перакладае ўсю інфармацыю.

   За няпоўныя паўтара года існавання сайт «Грамадскі транспарт у горадзе Баранавічы» наведала больш за 12 000 чалавек з 80 краін свету. «Безумоўна, я планую развіваць сайт і далей – без гэтага ў Інтэрнэце немагчыма. Шкада толькі, што на яго застаецца ўсё менш часу: я заканчваю дзённае аддзяленне універсітэта ў Кракаве і паспяваю яшчэ працаваць у Мінску. Спадзяюся, нашы высілкі аказаліся карыснымі для людзей», – адзначае Яўген Дубровін.

   На сайце «Грамадскі транспарт у г. Баранавічы» вялікая ўвага надаецца арганізацыі тралейбуснага руху ў нашым горадзе. Надзею на тое, што ён з’явіцца ў Баранавічах, падцвярджаюць некалькі фактаў.

   Па-першае, генеральны план нашага горада ад 7 верасня 1978 г. У ім адзначаецца, што ў перспектыве ў горадзе магчыма арганізацыя тралейбуснага злучэння. Па-другое, рэспубліканская праграма, якая была прынята ў 2000 г. і дзе вызначана, што ў гарадах з насельніцтвам больш за 100 000 чалавек неабходна арганізацыя тралейбуснага руху. Баранавічы на сёння – самы буйны горад у краіне без тралейбусаў. Па-трэцяе, генеральны план г. Баранавічы ад 8 снежня 2004 г. У ім у шэрагу першасных градабудаўнічых мерапрыемстваў да 2010 г. указваецца арганізацыя тралейбуснага злучэння і будаўніцтва тралейбуснага дэпо па вул. Бадака.

   На сайце «Грамадскі транспарт у горадзе Баранавічы», у прыватнасці, прыводзіцца наступная інфармацыя, якая была сабрана пры дапамозе энтузіяста Яўгена Шпака і начальніка службы перавозак АП № 2 Віталія Курэцкага:
    - Днем нараджэння баранавіцкага аўтобуснага парка можна лічыць 21 жніўня 1944 года. У гэты дзень два трафейныя аўтобусы «Бюсінг» адправіліся ў першыя рэйсы па маршрутах «Баранавічы – Навагрудак» і «Баранавічы – Дзятлава».
    - Аўтобусны маршрут № 1 у нашым горадзе называўся «Вакзал – Траццякі».
    - Першыя савецкія аўтобусы паступілі ў Баранавічы ў 1950 – 1952 гг. Імі сталі ПАЗ-651 і ЗіС-155.
    - З сярэдзіны 1970-х гг. самым масавым аўтобусам у Баранавічах стаў ЛіАЗ-677. Канчаткова Баранавічы развіталіся з ім толькі ў 2001 – 2002 гг. За гэты час яго як толькі не называлі: ад паблажлівага «батон» да зневажальнага «скатавоз». Тым не менш, на працягу амаль трох дзесяцігоддзяў ен быў самым масавым аўтобусам у савецкіх гарадах.
    - Гарадскі транспарт перайшоў на талонную сістэму аплаты праезду 1 красавіка 1975 г.
    - У 1974 годзе ў Баранавічы паступілі тры першыя венгерскія аўтобусы Ікарус-260. У 1990-х гг. Ікарус-260 і Ікарус-280 («гармошкі») пастаўлялі з Германіі, дзе ен ужо быў ва ўжыванні. Пастаўкі Ікарусаў спыніліся ў канцы 1990-х у сувязі з вытворчасцю Мінскім аўтамабільным заводам сучасных аўтобусаў МАЗ-103, МАЗ-104 і МАЗ-105.
    - Сення на 25-ці дзеючых гарадскіх маршрутах Баранавіч штодзенна выходзяць больш за сотню аўтобусаў: з Беларусі (МАЗ, Амкадор, Неман), Венгрыі (Ікарус), Расіі (ЛіАЗ) і Польшчы (Ельч).

Руслан Гарбачоў, газета Intex-Press

   Як паведамляе газета «ШАГ», у маі ў гарадскіх аўтобусах было аштрафавана 634 чалавекі, што амаль удвая перавысіла аналагічны паказальнік за красавік, калі было аштрафавана «ўсяго» 372 «зайцы». Колькасць аштрафаваных безбілетнікаў у маі стала смутным рэкордам за апошнія гадоў дзесяць. Па словах Аляксандра Новікава, інжынера па арганізацыі кантролю службы перавозак, дадзеная сітуацыя склалася з-за значнага зніжэння штрафу за безбілетны праезд.

   У аўторак раніцай, 15 мая 2007 г., аўтару сайту «Грамадскі транспарт у горадзе Баранавічы» стаў вядомы яшчэ адзін абуральны факт парушэння аўтарскіх правоў. Мова ідзе аб прамым выкарыстанні аўтарамі «Інфармацыйнага парталу Baranavichy.info» матэрыяла са старонкі «Баранавічы — ад першага ўспаміну да Першай сусветнай вайны». Трэба сказаць, што настолькі поўнай гісторыі горада на пачатковым перыядзе яго існавання (не маецца на ўвазе, канешне краязнаўчы музей), у Інтэрнеце да з'яўлення нашага сайту яшчэ не было, таму цалкам зразумела жаданне аўтараў вышэйузгаданага «парталу» займець у сябе на сайце такую ж, не прыкладваючы для гэтага асаблівых намаганняў. Аўтары так званага парталу не ўтрудзілі сябе нават касметычнай пераробкай матэрыялу, каб замесці сляды, відавочна, вырашыўшы, што звычайнага перадруку крыніцаў усе з той жа старонкі разам з маім «Аўтарства не вызначана» цалкам дастаткова. Відавочна, спадары проста не ведалі, што «Аўтарства не ўстаноўлена» гэта аб кнізе, знойдзенай у майго дзеда ў падвале. Акрамя таго, прадбачачы мажлівыя выпады ў свой бок, хацелася б спытаць аўтараў «парталу», чаму «наша.гісторыя» закончваецца там жа ў 1914 годзе?... Дайце згадаю… Ці не таму, што на сайце «Грамадскі транспарт у горадзе Баранавічы» пакуль не апублікаваныя матэрыялы «Баранавічы — Першая сусветная вайна і польскі час»? Відавочна, варта гэтым матэрыялам быць апублікаваным, як гісторыя на «партале» атрымае свой працяг.

   Далей. Я ні ў якім выпадку не ўзурпірую права на гісторыю — яна належыць усім, але вось спосаб яе выкладання ў кожнага свой асаблівы. Акрамя таго, час на збор, падрыхтоўку, пераклад, кантакт з аўтарамі і ўладальнікамі фатаграфій для ўрэгулявання пытанняў, што датычацца аўтарскіх правоў, і атрыманне дазволу на выкарыстанне, а таксама афармленне матэрыялу істотна адрозніваецца ад часу затрачанага на няхітрую аперацыю «Ctrl+C» ды «Ctrl+V». Таму, я спадзяюся на тое, што аўтары «Інфармацыйнага парталу Baranavichy.info» выправяць дапушчаную імі памылку і аформяць (выправяць, заменяць) усе належнымм чынам, каб не прийшлося даводзіць справу да суда, у выніку чаго адказчык можа быць пакараны штрафам у некалькі соцен (600?) базавых велічынь (і скрыншот у якасці доказу ўжо маецца). Няхораша, спадары, пачынаць сваю працу з такога непрыемнага інцыдэнта, варуючы аўтарскі тэкст, тым больш што мэта ў нашых сайтаў адна — папулярызацыя ведаў аб горадзе дзяцінства.

   Есць, канешне, і станоўчы момант у тым, што ў нас крадуць і фатаграфіі (autowp.ru), і тэкст (baranavichy.info). Відочна, яны сапраўды вартыя таго. Жаль толькі, што менавіта такім чынам даводзіцца даведвацца аб гэтым.

   Маршрутная сетка, па словах кіраўніка службы перавозак РУП «Аўтобусны парк № 2» Віталія Курэцкага, штогод карэкціруецца аўтапаркам і ўзгадняецца з гарвыканкамамі і райвыканкамамі. За апошні год у маршрутнай сетцы дабавіліся гарадскія маршруты, злучыўшыя Ўсходні мікрараен і цэнтр — № 20 «вул. Р. Люксембург — вул. Чырвонаармейская», а таксама Паўдневы мікрараен і раен «Траццякі» — № 19 «Аграбуд» — вул. 50 год УЛКСМ» (па выхадных днях). За год з'явіўся адзін новы прыгарадны маршрут — «Ляхавічы—Нача». З улікам пажаданняў і зваротаў насельніцтва АП № 2 карэкціраваўся парадак выканання рэйсаў аўтобусаў. Такім чынам, у 2006 годзе перавозкі пасажыраў ажыццяўляліся на 37 гарадскіх і 52 прыгарадных маршрутах. Павялічылася і агульная працягласць маршрутаў за год. Напрыклад, на гарадскіх маршрутах — на 40 км, а на прыгарадных — на 23 км. Як адзначыў Віталій Курэцкі, у мінулым годзе аб'ем перавозак пасажыраў грамадскім транспартам зменшыўся ў гарадской камунікацыі на 2,4 %, а ў прыгараднай — на 7,6 % у адносінах да 2005 года. Такое становішча ў аўтобусным парку тлумачаць узростам дабрабыту гараджан і павелічэннем колькасці ўладальнікаў прыватнага аўтатранспарту.
   У гадзіну пік (7—8 гадзін раніцы) у перавозцы пасажыраў задзейнічана 103 аўтобусы. У апошні час РУП «Аўтобусны парк № 2» у асноўным набывае новыя аўтобусы замест маральна і фізічна ўстарэлых машын. Так, за апошнія два гады набыта 38 аўтобусаў (МАЗ, ПАЗ, «Неман»). А ў 2007 годзе плануецца замяніць 22 устарэлыя машыны на новыя аўтобусы айчыннай вытворчасці.
   Што тычыцца кошту праезду, то, па дадзеных Баранавіцкага міжраеннага камітэта дзяржаўнага кантролю Брэсцкай вобласці, на гарадскіх маршрутах цэны на праяздныя білеты за апошнія два гады ўзрасталі два разы. З 1 чэрвеня 2005 года кошт талона ўзрос на 14 %, а праязднога білета — на 24 %, і з 21 ліпеня мінулага года кошт талона і праязднога білета — на 10,5 %. На прыгарадным транспарце тарыфы на праезд павялічваліся адзін раз — з 16 верасня 2005 года на 14 %.

Маршруткі: хутка і без цісканіны.