|
|
|
23 лістапада 2009 г. 7 кастрычніка 2009 г. Мінскі Аўтамабільны Завод прадставіў журналістам новую мадэль аўтобуса другога пакалення МАЗ-205. Гэта сучленены поўнасцю нізкапольны аўтобус асабліва вялікага класа, прызначаны для перавозкі пасажыраў на загружаных гарадскіх маршрутах. Шырокай публіцы мадэль была прадстаўленая на міжнароднай спецыялізаванай выставе пасажырскага транспарту «BUSWORLD EUROPE – 2009», якая прайшла з 16 па 21 кастрычніка ў г. Картрэйк (Бельгія). І хоць афіцыйны прэс-рэліз паведамляе, што ідэя стварэння такога аўтобуса зарадзілася толькі ў сакавіку 2008 г., і што «ад першага рысунка да рэалізацыі праекту прайшло ўсяго толькі каля паўгода», то нам думаецца, што МАЗ-205 з’явіўся цалкам лагічным працягам мадэльнай лінейкі мінскіх гарадскіх аўтобусаў другога пакалення, пачатак якой у 2005 г. паклаў адзіночны 12-метровы МАЗ-203, і ідэя стварэння МАЗ-205 з’явілася ў галовах канструктараў аўтобуснага філіяла наўрад ці пазней, чым быў сабраны вопытны ўзор аўтобуса МАЗ-203.  МАЗ-205 (фотамантаж ААТ Мінскі Аўтамабільны Завод) Прадстаўлены аўтобус — найдаўжэйшы сярод усіх пасажырскіх МАЗаў. Яго даўжыня складае 18,75 м (больш чым на 2 метры даўжэйшы ад звыклага сучлененага аўтобуса Ікарус-280 і амаль на метр даўжэйшы ад папярэдніка МАЗ-105), шырыня — 2,55 м. У гадзіны пік аўтобус зможа перавезці 175 пасажыраў, у т.л. 39 — седзячы. У новага аўтобуса добрая эрганоміка працоўнага месца вадзіцеля, прыборная панель Siemens-VDO. Агляднасць дарогі адпавядае ўсім сучасным патрабаванням у сферы аўтобусабудавання. Улічваючы вялікую даўжыню аўтобуса, для забеспячэння бяспекі падчас манеўравання, адчынення і зачынення дзвярэй, вопытны ўзор аўтобуса абсталяваны відэакамерамі, інфармацыя з якіх паступае на экран, які знаходзіцца на працоўным месцы вадзіцеля. Вопытны ўзор МАЗ-205 абсталяваны высокаэкалагічным рухавіком Mercedes (Euro-5), што дазваляе прапанаваць новы аўтобус нават спажыўцам краінаў ЕС. Для забеспячэння аптымальнага мікраклімату ў вопытным аўтобусе застасаваныя форткі ссоўваемага тыпу, устаноўлены кандыцыянер. Ацяпленне ў халодную пару года забяспечвае канвектар і салонавыя ацяпляльнікі. У прасторным салоне, які, праўда, заўважальна «уцяжарваецца» аб’емнай шахтаю рухавіка, устаноўленыя камфартабельныя пасажырскія сядзенні. Машына абсталяваная ўсім неабходным абсталяваннем для праезду людзей з абмежаванымі фізічнымі мажлівасцямі (есць адкідная рампа, мягкая спінка для фіксацыі інвалідных калысак у салоне аўтобуса). Асноўнымі перавагамі гарадскога аўтобуса асабліва вялікага класа МАЗ-205 у параўнанні з папярэднікам МАЗ-105 з’яўляюцца: поўнасцю нізкапольная
канструкцыя і павялічаная пасажыраўмяшчальнасць. Акрамя таго была захаваная «цягнучая» схема кампаноўкі, пры якой рухавік размяшчаецца ў пярэдней частцы аўтобуса.
Гэта рашэнне дазваляе зрабіць канструкцыю больш таннай, адмовіўшыся ад каштоўнага вузла сучлянення імпартнай вытворчасці, палепшыць упраўляемасць аўтобусам на слізкіх
участках дарог, што асабліва важнае для эксплуатацыі аўтобуса ў гарадскіх умовах. Па многіх элементах аўтобус мадэлі Як паведамляе афіцыйны прэс-рэліз, «аўтобус МАЗ-205 увасобіў у сабе навейшыя распрацоўкі ў вобласці дызайна, камфорту, бяспекі і ашчаднасці». Што датычыць дызайна, то аўтобус напэўна спадабаецца многім, тут дачапіцца да чагосці складана: знешні вышдяд вытрыманы ў адпаведнасці з існуючымі тэндэнцыямі «аўтобуснай моды». Камфорт будзе залежаць перш за ўсе ад камплектацыі, якую будуць замаўляць непасрэдныя пакупнікі. Ашчаднасць трэба ацэньваць эксплуатацыйным службам, а словам пра бяспеку так наогул хочацца проста верыць на слова і ніколі не прабаваць на сабе. Прыймаючы да ўвагі той факт, што ў Баранавічах дагэтуль не з’явіўся на маршрутах нават гарадскі аўтобус другога пакалення МАЗ-203, першы вопытны ўзор якога быў прадстаўлены яшчэ ў 2005 г., складана чакаць з’яўлення новага МАЗ-205 у нашым горадзе раней за сярэдзіну наступнай дэкады гадоў. |
|
9 лістапада 2009 г. 2 лістапада ў Баранавічах у аўтобусах звычайных гарадскіх маршрутаў пасля шматгадовага перапынку з’явіліся кандуктары. Дадзенае новаўвядзенне з’яўляецца працягам мераў, якія праводзяцца БрэстАблАўтаТрансам і яго генеральным дырэктарам Ананіем Ананіевічам Хвасцюком (былым дырэктарам пінскага аўтобуснага парку), накіраваных на павелічэнне колькасці пасажыраў, аплочваючых праезд. У красавіку 2009 г. у інтэрвью газеце «Вячэрні Брэст» г-р Хвасцюк сказаў наступнае: «Пінскі вопыт увядзення кандуктараў на гарадскіх маршрутах не ўсім падабаецца. Напрыклад, брэсцкі гартранс супярэчыць, але мы будзем на аўтобусах павялічваць колькасць кандуктараў.» На дадзены момант кандуктары ў Баранавічах «абітаюць» на маршруце № 26. Выбар маршруту не выпадковы — 99 % пасажыраў самага кароткага маршруту складаюць працаўнікі БСЗ ЗАТ «АТЛАНТ» (яшчэ, мабыць, не да канца прызвычаеныя да таго, што аўтобусы ўжо не бясплатныя завадскія, а платныя гарадскія), якія едуць ад канцавой да канцавой. Так што кандуктарам напружвацца не прыходзіцца — знай сабе запускай на канцавой завадчанаў праз пярэднія дзверы ў паволі запаўняючыся аўтобус... Вельмі хацелася б, каб кандуктары з’явіліся толькі няўдалым эксперыментам. Калі мэтаю наваўвядзення з’яўляецца павелічэнне працэнта пасажыраў, якія аплочваюць праезд, то аўтарам сайта бачыцца больш танным і ўдалым вараянтам павелічэнне колькасці брыгадаў кантралераў, узмоцненых супрацоўнікамі МУС, а не стварэнне арміі кандуктараў, кожнаму з якіх трэба будзе плаціць зарплату. Працэнт «зайцоў» у нашым горадзе не такі вялікі, каб дазволіць акупіць працу кандуктараў. |
|
26 кастрычніка 2009 г. 23 верасня 2009 г. адбылася сесія гарадскога савету дэпутатаў, на якой былі абмеркаваныя пытанні транспартнага абслугоўвання насельніцтва горада. Падчас абмеркавання была агучаная інфармацыя аб тым, што ў цяперашні час у горадзе маецца 240 прыпынкаў, 134 з якіх не адпавядае нормам па добраўпарадкаванню (95 з іх нават не асветленыя). Тэмпы абнаўлення рухомага складу склалі 11,6 % у 2007 г. і 8 % у 2008 г. Як пазней расказаў газеце Intex-Press намеснік начальніка службы перавозак ААТ «Аўтобусны Парк г. Баранавічы» Юрый Сенько, па стане на 9 кастрычніка 2009 г. было закуплена 13 аўтобусаў для гарадскіх маршрутаў і 2 аўтобусы для прыгарадных. Такім чынам, план па абнаўленні на дадзены момант выкананы прыкладна на 70 %. Да канца года аўтапарк плануе набыць яшчэ 6 новых машынаў. Новыя аўтобусы набываюцца за кошт уласных сродкаў, паступленняў ад транспартнага збору, а таксама крэдытаў банкаў. У якасці бліжэйшых прыярытэтных задачаў для гарадскіх уладаў і кіраўніцтва аўтобуснага парка названыя арганізацыя падвозу студэнтаў да новых карпусоў БарДУ па пр. Машэрава з боку к/п «Санаторый-Прафілакторый «Магістральны», павелічэнне колькасці аўтобусаў з цэнтра горада ў раен вуліцы Паркавой і забеспячэнне транспартным злучэннем жыхароў новабудоўляў па вуліцы Гаевай і праспекце Машэрава. |
|
13 ліпеня 2009 г. Першыя абноўленыя мінскія машыны першага пакалення з'явіліся на пляцоўцы ААТ «Аўтобусны Парк г. Баранавічы» 29 чэрвеня 2009 г. Імі сталі два аўтобусы МАЗ-107
(праўдападобна мадыфікацыі МАЗ-107.466, якая прадугледжвае рухавік Mercedes-Benz OM 906 EURO-3 і АКПП
Voith).   (фатаграфіі Сяргея Грыцэвіча) Як выявілася некалькімі днямі пазней, гэтыя два аўтобусы былі першымі з агульнай партыі з 13 машынаў вытворчасці Мінскага Аўтамабільнага Завода, якія паступілі ў ААТ «Аўтобусны Парк г. Баранавічы» на працягу ўсяго васьмі дзен з 29 чэрвеня па 6 ліпеня 2009 г. Гэтая партыя новых аўтобусаў стала, хутчэй за ўсе, самым вялікім адначасовым папаўненнем аўтобуснага гаспадарства нашага горада за ўсю яго гісторыю пачынаючы з 1944 г. Баранавічы атрымалі адразу тры гарадскія аўтобусы вялікага класа МАЗ-103, тры 15-метровыя адзіночныя аўтобусы асабліва вялікага класа МАЗ-107 і сем сучлененых аўтобусаў асабліва вялікага класа МАЗ-105 («гармонікі») — усе машыны абноўленага першага пакалення. Аўтобусы МАЗ-103 і МАЗ-107 аснашчаныя чатырма пасажырскімі месцамі з адкіднымі падлакотнікамі, а ў сярэдніх дзвярах для большай зручнасці пасадкі і высадкі інвалідаў-колясачнікаў і бацькоў з каляскамі ў аўтобусах прадугледжаны адкідны трап. Усе аўтобусы з апошняй партыі обсталяваныя вонкавымі электроннымі маршрутаўказальнікамі і інфармыцыйнай сістэмай абвесткі пасажыраў з унутрысалонным табло з бягучым радком. «Паступленне новых аўтобусаў яшчэ не значыць, што на вуліцах горада стане больш аўтобусаў і яны пачнуць хадзіць часцей. Аўтапарк абнаўляецца, некаторыя аўтобусы спісваюцца», — сказаў у размове для газеты Інтэкс-Прэс начальнік службы перавозак ААТ «Аўтобусны Парк г. Баранавічы» Віталь Курэцкі. Відавочна, Віталь Багданавіч меў на ўвазе, што паступленне 10 новых машынаў асабліва вялікай умяшчальнасці прывядзе да спісання дзесятка аўтобусаў Ікарус-280, якія выпрацавалі свой рэсурс. Да 11 ліпеня 2009 г. аўтобусы МАЗ-103 і МАЗ-107 былі пастаўленыя на ўлік у ДАІ і ў панядзелак 13 ліпеня 2009 г. яны з’явіліся на маршрутах. |
|
6 ліпеня 2009 г. У канцы чэрвеня 2009 г. быў спісаны апошні аўтобус Неман-5256
(ЛіАЗ-5256) бела-зяленага колеру з дзяржнумарам |
|
6 ліпеня 2009 г. Увечары 29 чэрвеня 2009 г. у Баранавічах прайшла мацнейшая залева: за больш чым дзве гадзіны, пакуль працягвалася непагадзь, у горадзе выпала 59 мм ападкаў (амаль дзве дэкадныя нормы), прытым, што з’ява прыроды ўжо лічыцца небяспечнаю (альбо стыхійнаю), калі на працягу дванадцаці гадзін выпадае 50 мм ападкаў. З-за гэтага паўсталі сур’езныя праблемы ў гарадскога грамадскага транспарту. Па словах начальніка службы перавозак ААТ «Аўтобусны Парк г. Баранавічы» Віталія Курэцкага, з-за пагодных умоваў графік руху гарадскіх аўтобусаў збіваўся на 15-20 хвілін. У асноўным затрымка аўтобусаў адбывалася з-за ўзнікнення вялікіх лужаў на вул. Фабрычнай, Фралянкова, Камсамольскай, Брэсцкай і іншых. |
|
18 мая 2009 г. З 16 мая скарэкціраваны расклад руху аўтобусаў гарадскога маршрута «плошча Леніна — могілкі «Русіно». 18 мая карэкціруецца расклад руху аўтобусаў гарадскога маршрута № 1 «База АСС — ВДА — могілкі «Русіно». Сачыце за зменамі раскладаў на афіцыйным сайце ААТ «Аўтобусны Парк г. Баранавічы» і на прыпынках гарадскіх аўтобусаў. |
|
11 мая 2009 г. С 6 мая па вуліцы Брэсцкай для гарадскіх аўтобусных маршрутаў №№ 1, 3, 13, 18 і 19 уведзены прыпынак «вул. Лісіна». |
|
11 мая 2009 г. На пачатку мая быў зменены расклад руху гарадскога аўтобуснага маршрута № 28. |
|
11 мая 2009 г. У сувязі с пачаткам дачнага сезону, у канцы красавіка зноў распачаў курсіраваць маршрут 14Т: «сан.-праф. Магістральны — Аўтадром». |
|
27 красавіка 2009 г. Як стала нядаўна вядома аўтарам сайта, баранавіцкія гарадскія аўтобусы паступова аснашчаюцца навігацыйнай сістэмай GPS. Новая сістэма назірання за аўтобусамі на маршрутах дазваляе з дакладнасцю да метра ў рэжыме рэальнага часу кантраліраваць рух транспарту і выкананне раскладу. Спадарожнік пастаянна трансліруе перамяшчэнне аўтобусаў разам з дадатковай інфармацыяй (час прастояў, сярэдняя хуткасць на маршруце, расход паліва) на вялікі экран у дыспетчарскім пункце. Сістэму GPS-навігацыі нельга ашукаць. Яна ж дапаможа ў выпадку паломкі транспартнага сродку: у гэтым выпадку дыспетчар зможа беззабаўна выслаць аўтобус на замену. З дапамогай GPS-навігатараў хутка можна будзе дакладна сачыць за інтэнсіўнасцю пасажырапатокаў, што дасць мажлівасць аптымізіраваць працу гарадскога транспарту. Колькі каштуе сістэма навігацыі ў Баранавічах, пакуль не вядома, аднак вядома, што абсталяванне аднаго аўтобуса ў Гародні абышлося мясцоваму аўтобуснаму парку ў суму каля аднаго мільена рублеў. Аднак, як сцвярджаюць спецыялісты, новая сістэма сябе цалкам акупае і праўдзіць затрачаныя на яе сродкі, бо састарэлыя сістэмы кіравання на транспарце абыходзяцца нятанна, а іх мажлівасці па ўсім пазіцыям праіграюць новым GPS-навігатарам. Па інфармацыі, якая маецца на дадзены момант, GPS-навігацыяй ахопленыя трохі больш за паўсотні аўтобусаў, аднак працэс устаноўкі працягваецца і, як чакаецца, у хуткім часе ўсебачным вокам спадарожніка будуць ахопленыя ўсе гарадскія аўтобусы г. Баранавічы. У якасці далейшага развіцця гарадскога транспарту на падставе GPS-навігацыі ў нашым горадзе, у больш адлеглай перспектыве мажлівая ўстаноўка на прыпынках манітораў, якія будуць з вялікай дакладнасцю інфарміраваць пасажыраў аб часе прыбыцця чакаемага імі аўтобуса. |
|
20 красавіка 2009 г. 17 красавіка з-за невялікага пасажырапатоку ААТ «Аўтобусны Парк г. Баранавічы» прыпыніла рух маршрутных таксі па маршруце 27Т «мкрн Паўночны — Траццякі». |
|
13 красавіка 2009 г. Нядаўна ў нашым горадзе пабывала з трохдзенным візітам дэлегацыя з Елгавы — горада-пабраціма Баранавічаў. Цікавай прадстаўляецца інфармацыя, якая была агучаная ў газеце «Наш Край». А менавіта, сярод іншых тавараў Баранавічы маглі б купляць у Латвіі гарадскія аўтобусы! Мава, хутчэй за ўсе, ідзе аб аўтобусах VDL Ambassador. Нядаўна быў падпісаны дагавор паміж елгаўскім заводам AMO Plant і галандскім канцэрнам VDL, згодна з якім у Елгаве плануецца зборка 250 гарадскіх аўтобусаў у год. Галандскі канцэрн выпускае 7 мадэляў гарадскіх аўтобусаў (якія, па заяве вытворцы, дзякуючы застасаванню легкіх матэрыялаў спажываюць на 15-20% менш паліва ў параўнанні з аналагамі), 6 — для дальніх рэйсаў, 5 мадэляў міні- і мідзі-бусаў, а таксама трохсекцыйны нізкапольны аўтобус на электрычнай цязе. Як прадугледжвае дагавор, спачатку ў Елгаве зоймуцца буйнавузлавой зборкай (гэта значыць у Латвію з Нідэрландаў аўтобусы будуць паступаць у разабраным выглядзе). Чакаецца, што першыя аўтобусы Ambassador будуць сабраныя ў Латвіі ўжо гэтай восенню. (на фота — аўтобусы VDL Ambassador).   Ацэньваючы перспектывы з’яўлення аўтобусаў VDL Ambassador у Баранавічах нельга забываць аб тым, што ў дадзены момант асноўным гульцом рынку гарадскіх аўтобусаў у Беларусі з’яўляецца МАЗ, якога наўрад ці хтосьці зможа нават трохі пацясніць, няхай нават ва ўмовах асобнага, але немалога, беларускага горада. Кіраўніцтву Баранавічаў напэўна прыдзецца сур’езна пастарацца для абгрунтавання неабходнасці закупкі аўтобусаў у Еўропе, а не ў айчыннага вытворцы. Але калі прыняць пад увагу тое, што аўтобусная вытворчасць МАЗа не адчувае недахопу ў заказах, а таксама тое, што Елгава з’яўляецца горадам-пабрацімам, з якім трэба і карысна развіваць гандлевае супрацоўніцтва і які зможа стаць дадатковым «акном у Еўропу» для беларускіх тавараў ва ўмовах адмоўнага сальда знешняга гандлю, якое імкліва павялічваецца, то, у прынцыпе, усе мажлівае. А Баранавічы могуць атрымаць на свае вуліцы сапраўдны аўтобус еўрапейскага ўзроўня. |
|
13 красакавіка 2009 г. Як паведамляе месцовая прэса, у сувязі з павелічэннем светавога дня з 11 апреля по выходным дням уведзеныя дадатковыя рэйсы на могілкі Русіно. Адпраўленне ад плошчы Леніна — у 7:36 і 8:23, ад могілак Русіно — у 19:21 і 20:08. Акрамя таго, у працоўныя дні дадаецца рэйс адпраўленнем ад могілак Русіно ў 19:52. |
|
2 красакавіка 2009 г. З 26 сакавіка 3 апошнія рэйсы гарадскога аўтобуснага маршрута № 18 скарачаюцца і будуць курсіраваць да прыпынку «Каўпеніцкая». |
|
16 сакавіка 2009 г. Як паведамляе газета «Наш Кай», з 7 сакавіка па выхадных днях зменены графік руху гарадскіх аўтобусных маршрутаў №№ 8 і 12. Інтервал руху павялічаны. А з 14 сакавіка змяніў час адпраўленняў маршрут № 7. Расклады вывешаныя на прыпынках. |
|
26 лютага 2009 г. Не шанцавала ў лютым гарадскому маршруту № 7. Як паведамляе газета Intex-Press, з пачатку лютага Баранавіцкім ГАУС былі ўзбуджаны чатыры крымінальныя справы
па факце кішэнных крадзяжоў у аўтобусах гарадскога маршрута № 7. Па словах намесніка начальніка Баранавіцкага ГАУС, кішанкоўцы вельмі часта прамышляюць у гарадскіх аўтобусах,
асабліва ў гадзіны «пік». Ва ўсіх чатырох выпадках ахвярамі кішанкоўцаў сталі жанчыны, з тарэбак якіх былі скрадзены партманеткі. Для раскрыцця падобных злачынстваў неабходна
схапіць кішанкоўца за руку, што вельмі няпроста. Каб не стаць ахвярай аўтобусных «шчыпачоў», супрацоўнікі праваахоўных ворганаў рэкамендуюць усім пасажырам грамадскага
транспарту быць больш уважлівымі да сваіх тарэбак і партманетак. |
|
9 лютага 2009 г. 26 студзеня 2009 г. РУП «Аўтобусны Парк № 2 г. Баранавічы» рэарганізаваны ў ААТ «АП г. Баранавічы». |
|
26 студзеня 2009 г. Як паведамляе газета «Наш Край», у мінулым годзе супрацоўнікамі кантрольнай службы аўтобуснага парка за безбілетны праезд было аштрафавана больш за
дванаццаць с паловай тысяч грамадзян. Атрымоўваецца, што ў сярэднім кожны 13-ы жыхар горада, уключаючы тых, хто праезд не аплочвае па законе, а таксама тых, хто грамадскім
транспартам не карыстаецца, быў аштрафаваны. Колькі ж пасажыраў рэальна скарысталася паслугамі гарадскога транспарту бясплатна застаецца толькі здагадвацца. Сума штрафаў за
2008 год склала 88 мільенаў рублеў. Акрамя таго, у бюджэт горада паступілі таксама штрафы амаль на 16 мільенаў рублеў, спагнаныя з безбілетнікаў па пратаколах праз суд. |
|
22 студзеня 2009 г. Сення, 22 студзеня 2009 года, праекту «Грамадскі транспарт у горадзе Баранавічы» спаўняецца тры гады. У сувязі з гэтым віншую ўсіх, хто прыняў і працягвае
прымаць удзел у развіцці сайта; яго існаванне і інфармаццыйнае напаўненне – прамая заслуга Паўла Галаўко, Віктара Шэрышава, Яўгенія Шпака і Валерыя Мароза. |
2006 2007 2008
|
|
| на галоўную фота баранавіцкіх аўтобусаў |
|